فاش غادي تحطك الطيارة فالمطار هنا فامريكا غاتهبط منها غادي يضربك واحد البرد فيه واحد النسيم عليل نقية مافيهش الحضية والشوفان وهذا دار وهذا ترك . مافيهش بنادم مخنزر . كولشي هنا كايضحك ليك اي واحد وقفتي عليه غادي يوجهك ويعاونك . غادي تقول مع راسك ياربي فين كنت انا عايش غاتهز عينيك لفوق تلقا ناطحة السحاب (TWIN CENTER) والاضواء والدنيا مبهجة الشانطي نقي الشجر فيه الالوان
. هنا غادي تلقا تقول واع تا كيفاش واش هادشي بصح ولا انا كنت عايش ف كهف . غادي تركب فطاكسي او باص يوصلك فين بغيتي غاتلقا بنادم شاد كتاب وكايقرا بنادم وزوين وديما الابتسامة على وجه . تاحد مامسوق ليك .
غادي توصل عند المستضيف لي بصراحة هو كولشي هنا غادي تنعس ترتاح من التعب ومسافة الالف ميل . خاصك تفيق باش تبدا تقلب على مستقبلك فين مخبي مابين 330 مليون شخص امريكي . غادي تلقاه ماتخافش ماغاديش تخص هنا الحمد لله فينما دزتي كاينة فرصة فين طور راسك
تابعاك طريق طويلة بزاف خاصك واحد 3 اشهر ونتا غاتقاد اوراقح وتحيد الدهشة وتيق راسك راك فامريكا اول اقتصاد فالعالم بلد الفرص والحلم . صراحة نتا كتستاهل ملي وصلتي لهنا راك قطعتي طريق طويلة فيها بزاف ديال الارتباك والستريس والقلق . راه ماشي ساهل توصل هنا حيت غاتكون دوزتي 1000 محطة .
صفق على راسك وقول الحمد لله الدي انجانا من القوم الضالمون . راك عاد تولدتي من جديد الناس كانوا عايشين فالمغرب ونتا كنتي غامونسهم. كنتي عايش ف -00000 بحال شي بطريق عايش فالمحيط المتجمد الشمالي لا حياة . من اكتشف المغرب سيكون له عذاب أليم يوم القيامة .
ملي توصل هنا عرف راه عندك فرص ماشي غا فرصة اي وحدة كل نهار غاتفيق تقدر تلقى فرصة تنسيك فالاخرى
كوم مهدب وبقا محافظ على دينك وصلاتك وعنداك تنسا صلاة الفجر راه هي باش كيتفتحوا البيبان .
قلب على اي خدمة نتا مرتاح فيها راه كاينة 1000 خدمة فالنهار. طور راسك ماتلقاش فخدمة وحدة كيفما كايديروا عريبان هنا كاتلقاه 10 وهو فخدمة وحدة وتا اللغة عندو ديال ابن احمد . ماترضاش بالدال وخدمة العبودية. خاصك تخدم وتحافظ على صحتك راه هي كولشي هنا
سير دوز البيرمي بالشهر الاول اخصك تكون خديتي بيرمي هادشي الا بغيتي تزيد القدام . اما لامدوزيتش بيرمي هاديك اول نقطة للفشل. حيت شحال من حاجة خاصك تمشي تقضيها بالسيارة .
تعرف على ناس جداد باش عالأقل يعاونوك فاللغة . هنا كاين مترجم ماتخافش اي ادراة دخلتي ليها قولهم انا كنهدر بالعربية خاصني مترجم. راه خاصك تخشي السنطيحة فاي حاجة باس تعرف . ديما دير رايك مكلخ باش تاخد المعلومة. ماتنساش تشكى الناس على خير داروه معاك .
خاصك طور راسك وتمشي تقرا .خدامي دتمارة ماغاديش تربي الريش وغادي طيح غاصحتك على ااخوا الخاوي . ماتبقاش كاري كاع شي حد لالالا خاصك شقة صغيرة ديالك بوحدك نتا كنتستاهل تعيش ملك فدارك واخا طرب تمارة وتخلصها ولكن ماتخيلوش الاحساس ديال تكون دارك ديالك ساكن بوحدك . السكنى مع بنادم كاتجبد غا البلا وبنادم كاين لي ماتقيش والوسخ والعفن .دير فبالك فامريكا قلب تلقا ..
كولشي ممكن هنا. عندك تمشي دابز مع شي حد راه السلاح موجود هنا رد بالك ساوي مع العيساوي. داك التطبيق ديالك خليه فالمغرب هنا الناس كتستاهل كل الاحترام والتقدير. انا عارفك ماغاديش كاع تبغي ترجع للبلاد واخا راها بلادك الام. ولكن صدقني كلنا قلنا هاكاك ودابا كنتمنى نهبط ندوز رمضان مع الوالدة والوخت ماتصورش شحال توحشت بلادي
بلادي بلادي و ان جارت علي عزيزة... ماتحرمش راسك من هبطة للمغرب كل عام وانتي عزري راه بامكانك تهبط جوج مرات. ماتسوقش لبنادم لي يقوليك صعيب تهبط 2 مرات الطيارة غالية. لالا فراق الأحبة يتأهل التضحية لكنتي عزري غاتجمع فلوس الطيارة فاقل من شهر . شوف دير لي مسلكك راه كاين لي ماعارف والو وكاينصحك وغالبا كايعطيوك تجربة من نفسهم .
تهلا فراسك اجواد راه الحياة حدها هنا . عنداك تبقا تجمع وتخلي راسك بالجوع راحل شي وحدين . اب حاجة عجباتك كولها/ لبسها / ركب عليها.
نتا عاد جاي جديد علاس كاتمشي للولايات الكبار وتبقا تحط 1000دولار غا فبيت مالك عليها. راه خاصك تاتعرف منين كايتكال الكتف عاد سير تقدا حاولي راسك 😅
ماكلة د هنا مافيها تا ماداق الصبر وصافي يصحابك غاتبقا تفطر وتغدا ودير كاسكروط وتعشا 😂 لا هادشي ماغاديش يبقا هنا حيت الوقت هو العدو ديالك وخليك من الماكلة الزايدة لي غادي ضرك فصحتك .
ماتجيبش معاك الحوايج بزاف راه كولشي موجود هنا البياس الحار كاين هنا وو بتمن مزيان . ماديرش بحال هادو لي كاييجو الحانوت كامل من المغرب . واىاخةكايمىهما شي حوايج بقا كاعما تزادو فالمغرب . واخا راه بلادنا فيها الماكلة بنينة صراحة .
خاصك وخاصك وخاصك الحياة هنا خاصها اكتر من 24ساعة صراحة.
إرسال تعليق