100٪ مكرهتوش المغرب يلوح ليكم حوايجكم فالمطار ويقوليكم خرجوا عليا من هنا، والا دارها بصح زعما اول حاجة من الافضل تمشي للمطار قبل الوقت ديال السفر بشي 3 سوايع.
غي كتوصل للمطار اول باب كيكون فيه check point security سكانير باش كيڤيريفيو الباكاج ديالك كتعطيهوم الباسبور و billet ديال الطيارة.
كتدخل خاصك تقلب على guichet ديال الطيارة اللي قطعتي معاها. متلا la RAM
كتشد الصف باش تدفع الباليزات اللي باغي تسجل باش يمشيو مع الباكاج و كتخلي عندك sac a dos و الباليزة الصغيرة اللي مكتفوتش 12 كيلو او 10 كيلو على حساب الوزن المسموح عند داك الطيارة اللي اصلا كتكون عارفو من نهار شريتي التدكرة.
الإجراءات عندهوم كتكون بسيطة كيقلبو الفيزا فالباسبور ديالك و كيسولوك على العنوان ديال المستضيف من الاحسن تكون طابعو فشي ورقة. و كيعبرو الباليزات باش يشوفو واش احترمتي الوزن واخا تكون زائدة شي حاجة هانية . و كاياخدو الباليزات اللي غادي يهبطو للباكاج ونتا كاتاخد معاك الصاكادو و الباليزة الصغيرة.
صافي غير كيوصل الوقت ديال boarding كتدوز من السكانير و الديوانة اللي ممكن يسولوك على الفلوس و كاين اللي مكيسولوهش كاع دير احتياط ديال الروسي ديال الصرف يكون معاك باش الا سولوك يكون عندك.
صافي من بعد كاتدخل لل gate خاصك تشوف النمرة ديال gate اللي عندك ف billet و فوقت ديال البوردينغ كتوقف فالصف باش تدخل للطيارة شوف شي بلاصة قريبة الزجاج الا قدرتي باش تستمتع بالسحاب وراك طائر فالسماء أجواد شكون بحالك .
ماتخافش الطيارة هي اكتر وسيلة نقل أمان فالعالم. تا المغاربة واعرين فالبيلوطاج حيت خاطبين هاديك لي جاها بيلوط ومابغاتش حيت بغات تكمل قرايتها.
فالطائرة دير حزام السلامة دائما
فاش غاتبغي تركب غاتبن ليك الطيارة مقرقشة من برا . ولكن ماتخافش غاركب ماكاينش عيط عيط عيط فاش كاتكون غادا
التقليعة الأولى ديال الطائرة كاين لي كايدير فيها مبعكك ويقوليكم منقدرش . تفكر غا العيشة فالمغرب وغاتولي باغي تمشي معلق فالاجنحة
و الله يوصلك بيخير و على خير.
إرسال تعليق