شوية من القصة ديالي هنا فأمريكا نتمنى اي واحد استافد منها

 فقرة كل يوم نعودليكم شوية من قصتي... 

انا يلاه جيت لامريكا واحد 4 اشهر غانعاود ليكم على شي حقائق كنت كنسمعهم فالمغرب وكانوا هادشي ماكاينش باينة هادو مابغيتش لينا الخير . الساعة بصح الوقت ولات قاصحة فالعالم كامل غانعطيكم التفاصيل لي ماغاديش يقولها ليكم شي واحد 

قبل مانبدا هادوك لي كايحسبوا بالدرهم يغيروها انا كنتكلم بالدولار الدرهم ديالك حسب بيه فالمغرب 

انا متزوج وعندي عائلة كنخدم ب 14.5 دولار للساعة 

(غاباش تعرف هذا راه ما صالير ما خصية ) ماشي تا الحد الادنى للاجور 

كنخلص 1200دولار مابين الكرا والماء والضو وراه كل عام كيتزاد 100دولار هاد التمن لي قلت ليكم غا هوتة اما راه كاين لي كايحط 2000دولار للشهر 

الويفي 20دولار 

الهاتف 35دولار

تامين السيارة 43دولار

التأمين الصحي 66دولار

الغاز ديال السيارة 300دولار تقريبا او اكتر 

بلا مانهدروو على الاكل لي خاصك واحد 1000دولار 

اي حاجة حطيتي عليها يدك يضربوك تا تنقز . 

والله تا أمريكية جات عندي قالت بيا هادشي غالي بزاف وشحال من محل او شكارة بداو كايسدوا حيت القدرة الشرائية للمواطن صافي غادا وكاطيح 

تخيل والله تا بنادم كايشري كل حاجة منها وحدة حامضة وحدة . ماطيشة وحدة 

الا مرضتي وماعندكش التامين الصحي ناري عول على واحد 2000 او اكتر غير مع الدخلة. هادشي علاش ها الا مرضتي كمدخل وسكت حيت الفاتورة تقدر توصل تا 10k. سول الناس لي هنا يعاودو ليك . 

كاين لي غادي يقولك خدم 2 خدمات . راك غا كادوي أزميلي الا طحتي فشي خدمة يديرو ليك شي تقيت مقود ماعندك فين تزعزع وراه كاتجي فاالليل مدكدك خاري باغي غاتاكل وطيح 

والله ماكنتدا فخاطري كتاكل بواحد السرعة خيالية 

مؤخرا بدا كيتزاد معايا الزائد وكانقول ياك امريكا هادي اللعاقة موجودة والدولار كاين . 

المغرب فعلا مافيهش تا الصفر منين تبدا

هنا كاين الصفر منين تبدا ولكن خاصك تقرا ودير حرفة مطلوبة اما خدامي تمارة عمرك تزيد لقدام