شوية من قصتي الا معندكش هاد الحوايج صعيبة شوية القضية

1/ لاماعندكش لي يستقبلك فالاول كاتكره راسك وامريكا كاملة ( واخا انا العكس الحمد لله )

2/ الحياة شبه مستحيلة بدون سيارة اما لامشيتي لشي مدينة فشي ولاية خارجة غاتسخط 

3/ اللغة الانجليزية شي حاجة ماكتكررش بحال الما خاصك ضروري ومؤكد . ولي قالي غير اجي فالاول غاتعلم ماتسمعش ليه حيت والله تا غادي تبهدل هنا بلا لغة متلا غاتبغي دخل عند شي حد فالاول تقلب على خدمة كاش مع الدخلة غاتلقا شي cashier يسولك بلونكلي هادشي باقي تاما دخلوا معاك فالتفاصيل قمة الاحراج والله.

4/ جيب معاك اكبر مبلغ تقدر ضبر فيه حيت هنا غاتلقا داكشي غالي وكاتبقا تقارنوا بالمغرب وغاتزيد تسخط 

5/ جوج حوايج هنا كيعانيوا منهم الناس الكرا تم الكرا تم الكرا تم الكرا تم العمل في البداية امريكا ماشي كيفما كتصور العمل كاين وي ولكن ربما ماتلقاش على شهر او اكتر والدليل دابا حط شي اعلان انك باغي لي يخدم وغاتشوف كمية الطلبات شيء مؤسف نوعا ما وانت في البداية

6/ حافظ على المبادئ و القيم الدينية ديالك 

هنا 90٪ د البشر كياكل لحم ماشي حلال وعندهم very easy حتى كاع لامشيتي لشي مطعم غاتلقا مولاه عربي كايقول للناس حلال وهو ماشي حلال. لهذا لاكنتي متمسك بدينك غادي تصبر للجوع او تخلص اكتر . ( عالام هنا الرأسمالية المتوحشة دايرا مابغات ) عندك الفلوس نتا كاين ....

7/ لاصادفك الله بشي ولد الخير لي يستقبلك بيدما يخرجوا اوراقك ويبقا يديك معاه فالسيارة ويخرجك ريعرفك باللبلايص فراه راضية عليك امك وتا الامم المتحدة الأمريكية 

اخر نصيحة لاعندك الانجليزية+ رخصة السياقة+ مبلغ تشري بيه سيارة غادي تندامج بسهولة تااااامة وغادي يعجبك الحال و بالتالي ماغادي يفيدوك نصائحي لي دكرت فالاول بوالو