ما تجيكش غريبة انه ماكاينش لي اقيس ليك شي حاجة ديالك فأمريكا واخة تحط برا

الثقة و ما ادراك ما الثقة 

تخيل هادا شيك فيها تقريبا 5000 درهم من الصباح وهو محطوط حدا الباب وتقول واش شي حد يقدر يقرب ليه ولا يحاول يهزو 

صيفطاتو ليا الخدمة حيت وقع مشكل فالسيستيم و رسلت ليهم فقط غير email تعدر يحطوه ليا فالكونط ديالي . وبما ان هاد الناس مايكلوش فعرقك او يتعطلوا عليك . صيفطوه ليا EXPRESS + 25دولار كادو وكايعتادرو حيت الخاص خاصو يكون نهار الجمعة ويا حسرة هذا نهار السبت تاحد ماخدام ولكن نبقا على خاطري 

الإدراة كاملة خدمات معايا باش يوصلني رزقي فالوقت 

وواحد البلاد مابغيتش نقول سميتها باش مايتقلقوش عليا المغاربة  كنت خدام ب 50 درهم للنهار ونهار كنبغي شي avance ولا شي حاجة كيجرجروني مع الارض 

ماهاجرناش حيت باغين غا الفلوس ولكن 

هاجرنا حيت هنا عايشين بكرامة وكلشي غادي بالمسطرة مع القانون 

الله يسهل عليكم اجمعين