السلام عليكم
بعد وصولك للمطار غا يشدك واحد الإحساس ممزوج بين الخلعة والفرحة الخلعة من المجهول والفرحة من عتقك من نار المغرب 🇲🇦
عندهم مطارات يدرو من ديال المغرب 10 غي باش توصل لضابط الهجرة تعطيه الملف الأصفر خاصك GPS بشري معاك،
أنا رغبت واحد المغربي كان فجنبي يوصلني لخارج المطار عند المستضيف لي كايتسناني ومسكين بقى معايا حتى لتالي (جزاه الله خيرا)
منذ نزولي من الطائرة والوجوه ضاحكة تبعث فيك الأمل ويتلاشى الخوف رويدا رويدا
خرجت من باب المطار لقيت المستضيف بإبتسامته ينتظرني
صراحة عيت نقلب فمعجم اللغة العربية على كلمات المديح لأقدمها له والله ما لقيت لأنه فهاذ 10 أيام هو كولشي مخلي شغالوا وحياتو ومقابلني فجزاه الله عني خير الجزاء.
فأمريكا كولشي داخل سوق راسو لبس لي بغيتي دير لي بغيتي التحنزيز والو كما في المغرب ، غي ماتجبدش المشاكل تعيش مزيان الطرقان كبار البنايات السيارات كلش كبير ، اللون الأخضر والواحات المائية في كل مكان .
والهدوووء يعم البلد بإستثناء المدن الكبيرة طبعا كنيويورك واشنطن .....
المتنفسات والمساحات الخضراء فحال شرب الماء ومجانا لأن الدولة كاتوفر للأطفال فين يلعبوا وحنى لكبار كاندوزو فوجههوم
نجيو للعمل بالنسبة للعمل الى تقدر تخدم 24 ساعة وتصور لفلوس خدم مكاين لي يحاسبك
الضرائب كولشي كايخلصهوم باش تستافد مما ذكرته فوق.
درنا حادثة بسيطة الشرطة بعد 5 دقائق كانت في عين المكان دارت المعاينة ديالها ثم التقرير لي ترسل لشركات التأمين باش يعرفوا الضالم من المضلوم والسلام عليكم .
خفن زربن السلاسة فالتنفيذ.
الإدارات كذلك ماتفوتش 10 دقائق
بعد يوم كايتاصلوا بيا شركة التأمين قالولي واش لا باس باش كاتحس باش نديرو الازم قلت ليهم لا أتكلم بالإنجليزية دوزات ليا مترجمة لتكملة الحوار مع العلم انا ماكنتش سايق غي راكب قلت ليهوم الحمد لله بخير وعلى خير.
اللغة والله مالقيت مشكل أي إدارة فيها الترجمان الناس كايتقبلوك مكا أنت زائد إبتسامة
انا مكنقولش انها ليست مهمة لاكن ليست عائق لإندماجك في المجتمع الأمريكي.
رخصة السياقة بديت نوجد ليها حيث كاينة إمكانية ندوز بالعربية لأنه هنا شبه مستحيل تبقى بلا سيارة.
هذا ما لاحظته في أمريكا من وطأت قدماي هاته البلد السعيدة
إرسال تعليق