امريكا فيها 350 مليون واحد لي بغا يجي مرحبا بيه كاينة 50 ولاية كل ولاية اكبر من المغرب . الخدمة موجودة . فينما دزتي تلقا NOW HIRING لي كتعني مطلوب موظفين . ها العار غاتقبل تخدم . دخلتي لشي خدمة وماعجباتكش خرج فالبلاصة .
نسا عليك العقلية المغربية ديال راه لاخجرتي من الخدمة غاتبقا محنسر واحد 3 اشهر او اكتر . هنا غاتلقا غا دوك عوازا خدامين غاتلقاهم 8دامين وسروالوا مدلي طايح للارض وماكينش لي يهدر معاه الحرية كاينة فهاد البلاد البنت كاتجي دايرا طون ديال الماكياج والضفار طوال قدهم قداش وتقول شي حد يتجرأ عليها هادشي ثقافتهم . كايخليوك تخدم براحتك . لا طحتي فشي ماندجر خايب عيط غا ل HR لي هي resources humaines مصلحة الموارد البشرية لاكان ظالمك غادي يطيروها .
بالخصوص لاكانت العنصرية حيت هنا كاتبين لي فعقد العمل كولشي سواسية .
القرعة كايتهز منها 55 الف واحد من العالم كامل المغرب ديما فيه 4000 لفوق والمغاربة حاكمين لازون غا مشتتين هنا وماكيتشرطوش وغا كيتشكاو
الجوامع محتلين بالمغاربة هادشي غادي يخليك ماتحش بالغربة بزاف .
هنا عمرك تبقا محنسر لاعندك غا طوموبيلتك سير غا المطار تجيب بليصات مع Uber او Left تقدر تجيب بلاصة وحدة ب 1000درهم ولاكن عندك الزهر وخدمتي نهار كامل تقدر طلع ليك الدعوة مزوهرة نتا وزهرك. شفتي راسك محنسر سير لمركز تحاقن الدم تبرع غير ب LBLAZMA ماشي تا الدم . يصحابكب بحال المغرب غادي يعطيوك دانون و كيكة وقرعة الماء. لا الشاف غاتاخد 600درهم فكل مرة تبرعتي فيها عندك الحق جوج مرات فالسيمانة . كاياخدو ليك غير البلازما ماشي الدم وداكشي ساهل وعاد يعطيوك تاكل . ايوا اش باغي !!!
دوك الخدامي ديال macdonald و Walmart restaurant غادوزهم غا فالاول اما من بعد لكنتي ذكي غايبقا يجيك داكشي حامض وباسل غاتولي طامع دخل للبيت الأبيض كاع واحد القضية غاتجيك عجب وغاتصدمك هو ان دارك ماشي ديالك يعني المكتب لي نتا كاري عندو . عندو الحق يدخل لدارك واخا تكون ولا ماتكونش كايدق للمرة الأولى والثانية ماحليتيش را عندهم سوارت ضوبل .
هاد القضية شخصيا محملتهاش ولكن هاد هو القانون فامريكا . هوما كايديرو هاكا ربما يكون شي حريق ولا شي فيضان . غا هو كون هاني زغبة مايقيسوها ليك
دعي الله يعتقك من القوم الضالمون ودعي معانا حنا لي كنكتبوا ليك هادشي من القلب
ولي عندو شي سؤال بعقلوا يتفضل اما دوك الأسئلة الحامضة لي كايدوز بنادم بريفي يسولني بلاش غا بالصحة
كان معاكم مهاجر دوز الحرب و غا ف 6 اشهر عندو هنا
إرسال تعليق