نصائح مهمة للناس لي نجحوا في القرعة الأمريكية، إلا معرفتش هادشي غتندم!!

 

1/ الا عندك غلط ف ds260 بسيط عنداك تمشي تحل ds260 حيت القاعدة ماتقول الغلط ف ds260 مع الفتح = التاخير في الحي ل ف الموعد واحتمال كبير لاكان رقمك كبير مايجيكش الموعد وتمشي ليك الفيزا وهادشي وقع ليا انا شخصيا كاعما جاني الموعد لولا فضل الله لى جاد علينا ب 2 الفيزات 

متال على الحوايج لي ماخاصكش تفتح ds260 عليهم (زدتي شي حرف فشي حاجة بحال العنوان او شي مسافة بين الاسم او النسب /نسيتي مادرتي او زدتي الإجازة لاعندك او شي دبلوم راه ماشي ضروري دير فوق الباك داكشي كيبقا اختياري المهم الباك فقط )

2/ الناس لي مالقاوش موعد مع الطبيب وصدرهم تا ل شهر 9. عاود عيط بقا تعيد كل نهار وخدم معاك مالين الدار كل واحد يعيط برقموا . راه هاكا دارو لينا قال حقا كولشي عامر . ماكاينش كولشي عامر خاصك تشد موعد باي طريقة. عنداك تمشي عندهم راه ماكايبغبوش حاول بالتي هي احسن 

/3 اي واحد عطاك عنوان خاصو يبقا شاد معاك الستون ديما وخاصك نسولوا على كولشي متلا فين خدام / امتا جا لامريكا/ واش مزوج / فين تعرفني عليه . اي حاجة جاتك فبالك سولتوا عليها حيت لاماجاوبكش من دابا غير بعد منو والسبب ان القنصل غادي يسولك عليه مزيان ولاشافك مرتبك غايعطيك i134 وهنا غادي يصعب عليك الحصول على الفيزا بشكل لا يطاق ادن الخلاصة هو ان صاحب العنوان خاصو يكون عندو صدر رحب يعني خاصو يكون قريب ليك بزاف 

4/فهاد اللحظات لي كتقرا هاد البوسط الا ماكنتيش ضبرتي على استاد يقريك الانجليزية ويبراكتيسي معاك فراك ضيغتي 25٪ من حياتك هنا فامريكا وعقل مزيان غادي تبهدل هنا مزيان لغة .

5/ سير دابا تعلم شي حرفة ولا دبلوم ف 6 اشهر وجيب معاك شهادة ديالو تيق بيا لاشديتي شي حرفة فهاد المدة غاتوصل امير هنا من النهار. الاول . 

6/الباقي كاطلع فالفايسبوك ومتبع التفاهات فراك كاضيع على روحك وقت ثمين غادي تندم عليه . وليام مازال توريك

7/ خاصك تجيب معاك 7 المليون لفوق لابغيتي توسل مرتاح الفلوس قليلة فالاول هنا صعيبة عليك الحياة . 

8/ المستضيف هو كولشي هنا عوض تبقا ضيع الوقت سير شوف لي يستاضفك راه امريكا ولات قاسحة على الناس لي فيها فمابالك واحد جديد ماعارف تاواحد هنا 

9/ ماتجيبش معاك عقلية د المغرب هنا خصوصا عقلية مادية العام الاول يلاه غادي تفيق من الغيبوبة وتعرف راسك شكون نتا

10/ نصيحة اخوية لاعندك المادة كري استوديو بوحدك ماعندط مادير بلكرا مع شي حد غادي تلقا ناس خطار عليك وماشي نقيين وماغاديش تلقا راحتك .شوف لي يوقف معاك باش تكري بوحدك راه عندك القدرة تكري بوحدك انا عارف شنو كانقول شري راحتك دارك بوحدك غاتعيش فيها الحياة السعيدة .

11/ هاد البلاد خاصك تمشي جنب الحيط لاكنتي قافز القانون غادي يجلسك فبلاصتك غاتمشي بالقانون واخا تكون كاطير

12/ دوز بيرمي هنا بلا ماضيع رزقك فالمغرب ماغادي ينفعك بوالو 

13/ الحياة بلا سيارة هنا شبه خصوصا لاكنتي بعيد 

14/ مانصحكش تمشي عند شي حد بعيد حيت ماغادي يفيدك بوالو وغادي تبقا جالس عندو بوحدك وهو ماغايكونش مسالي ليك يبقا يديك ويجيبك 

المقابلة فيها شوية ديال الضغط ولاكن راك ماشي غدوز فالصراط خاص يكون ايمانك قوي وتكون عارف انه لامكتب ليك الله شي حاجة بايدن مايحيدهاش ليك 

واخيرا وجد راسك لتمارة راك ماجايش مسافر وتعلم تهدر على حقك وماتسكتش لاهانك شي واحد راك لبلاد العم سام بلاد الحق والقانون

دعي معانا لاستافدتي