انا عام باش جيت لهنا ودابا كنشوف الناس لي ناجحة الفايسبوك عامر غا بنادم كايقلب على
""عنوان مستضيف""
كنلقا واحد حاط عفاكم كنقلب عنوان غير باش نعمر DS260 وهاد (غير باش نعمر ) هي كولشي فامريكا, انا خواو بيا 3 د الناس هنا قبل ماتجي عطاوني العناوين وكانو معايا كي السمن مع العسل شوية كل واحد شنو بقا كايدير واحد بلوكاني واحد مابقاش كايجاوب وواحد بدل النمرة كاع !!؟!عرفتوا علاش !؟! حيت بنادم مسكين ماعارف والو كايسحابوا العنوان حدو ds260 !!
لا اوليدي هاداك لي غادي يعيطك العنوان ها شنو غادي يوفر ليك :
اولا حاجة خاصو يعطيك جميع المعلومات ديالو
(فين ساكن / شحال وهو عايش فامريكا/ انا عام مشا / واش عزري ولا مزوج / واش غادي يستاضفك ولا فقط العنوان / فين خدام )
هادشي بالحالة الطبيعية اراك الا قدر الله وسلم القنصل ولقاك ماعارفش عليه شي معلومة اوتوماتيكيا غادي يقوليك جيب لينا i134 ناري لامشيتي دزتي لهاد المرحلة عرف بلي الفيزا ديالك في خطار ديال بصح
حيت هاد الوتيقة حساسة لواحد الدرجة كبيرة هنا غادي يخصك تمشي عند داك المستضيف تقولين عفاك عمرها ليا وهي فيها 13 لصفحة وفيها معلومات معمقة منها الصالير ديالوا وفين خدام وحشال كايشد للساعة والاخطر هي خاصو يعطيك TAX و INCOME وخاصو يكون كايخلص الطاكس كل عام ويكون عندو الدخل مرتفع . و اخيب حاجة هي انه خاصو يضمنك لمدة 5 سنوات واي حاجة وقعات هو يتحمل مسؤوليتها
وهادشي والله مايديرومعاك تا خوك .طلب الله ماطوزش لمرحلة i135
دابا عرفتي حريرة العنوان فين كتوصل.
اي واحد عطاك العنوان خاصو يبقا يجاوبك عام كامل على الأسئلة ديالك خوصو مايتحولش من ديك الدار لانه اوراقك غاضيع والا مشات ليك اوراقك مصيبة هنا فامريكا ومع نتا يلاه جاي باغي تخدم مشكلة
الناس مابقاتش باغا هاد فريع الرأس لانه اصلا كحل الرأس مافيه خير غير يحط رجلوا هنا يتسيف عليك وبنادم فيه الحسابات بزاف . واخا دير معاه لي درتي كمال، واحد استضف واحد ف نيويورك دازت شوية لقاه جايب صاحبوا مسكنوا معاه فداك البيت . قاليك كيفاش نتا درنا معاك مزيان صدقتي جايب صاحبك
وهو يخرجهم بجوج.
هانتا كاع خديتي العنوان اهاه شكون غادي يجيبك من المطار شكون غادي يوريك الطرق هنا. شكون غادي يترحم ليك وهنا اللغة شي حاجة بحال الأكسجين كاع
يصحابك بقات فالعنوان
نصحية لي يعطي العنوان خاصو يكون انسان ولد الناس
مسؤوول ماتخويش بعباد الله .
انا حكيت ليكم تجربتي فكر مزيان انك جاي لبلاد كل ولاية فيها قد المغرب وخاصك الغويم ديال بصح
مرحبا بتساؤلاتكم
إرسال تعليق