ليوم جيت نعاود ليكم قصة حياتي الغربية مع الغربة و خا هدشي غيكون طويل المهم انا شاب مغربي لكن فالفترة د شباب ديالي يمكن كنت الوحيد لي مكانش كيفكر فالهجرة نهائيا و لا مبغيش يخرج من المغرب بالرغم انني كنت من عائلة الجد فيها عاش حياتو كاملة فالمهجر قبل ميتقاعد فالمغرب
معرفت علاش ففترة الدراسة الثانوية تاعي كانت عقليتي هكا لدرجة انه بعد البكلوريا مباشرة جاني عرض نمشي نقرا مهندس مكانيكي فالخارج مبغيتش نمشي يمكن نمط الحياة لي كنت عايشو فديك الوقت هو لي خلق ليا ديك النضرة الوردية للحياة فالمغرب بطبيعة الحال الانك قبل البكالوريا كتحس و انك بعد البكلوريا غادي تلقا لخدمة كتسناك و نسيت مكلت ليكوم الاخ كان سطل بكل مامن معنا للكلمة فاللغة الفرنسية و الانجليزية و فهاذ جوج مواد كنت كنت كنجب صفر فالفرض والى حن عليا شي استاذ كيحط ليا واحد و فنفس الوقت مكندير تا مجهود نتعلم ليهوم و الاني فلخر د العام كنجح النهار الوحيد لي درت فيه لمجهود و عمرت الورقة د اكسبخسيون اكخيت بالنقيل كتقلب عليا الاستاذة د الفرونسي
فليسي الان النيفو ديالي كان معروف المهم هذا ماشي موضوعنا لكن غير باش متفقدوش الامل بالنسبة لأي واحد بحالي لانه تا حد معارف شنو مخبي ليه المستقبل لموهيم فنفس العام د الباك جات القرعة فعشيري و ملي گالها ليا كلت ليه هكا بهاد الكلمات”اش اوا غادير فالمريكان لبرد و تمارا و بلاد بعيدة…"
و من سخرية الاقدار انه بعد ثلاث سنوات بالضبط من مغادرته المغرب لأول مرة ركبنا انا وياه فنفس الطيارة كرسي حدا الاخر لديك لبلاد لي عمري فكرت فيها و ولينا كنعيشو تحت سقف واحد انا وياه و فنفس الوقت معمري غادي نسا لوقفة لي وقف معيا ولا كثر من مجرد صديق بل بمثابة اخ ولداتو ليا لغربة…غادي تسولوني شنو غير عقليتي الجواب هو انه بعدما طلعت للجامعة و درت التخصص لي كنت كنطحو بمعنى الكلمة لدرجة انه كندوز امتحانات فيه سواء فالبكلوريا ولا الوطني بدون خطاء واحد و حرف واحد خاطئ لدجة الاستاذ كان مصدوم من داكشي لي كنكتبو هادشي ماشي باش نعيق عليكوم و لاكين باش نقول ليكوم ان داك تخصص لي كنت كنطحنو منفعني بوالو فحياتي بالرغم انني تبعتو فالجامعة بالمغرب و فنفس الوقت لونگلي لي كنجيب فيها الاصفار ممنعاتنيش نعيش فبلاد لونگلي.
السنة الاولى فالجامعة دازت داغا حيتاش باقي فيك لفرحة د لباك جا لعام تاني بدا لافاك كيطلع ليا فراس بدا المستقبل كتغرب فيه الشمس كتشوف قدامك سنوات خرى باش تشد ديك الشهادة الجامعية كتشوف خوتك اصلا هوما شاديين ديك الشهادة و شادين لقنت فدرب و من حيث لاتدري العالم ضربو لكو_فيد فبداية الفيين وعشرين الزمن و لحياة حبسات خصوصا فالاول لكن يقال ان مصائم قوم عند قوم فوائد ناس كلها داخلا دارها خوكم شدو لملل دخل ليوتوب و انا نبدا نطيح ف فلوكات د ناس عايشين فالمريكان عاد فهمت دنيا كي دايرا هنا🇺🇸 فينما كنلقا شي فلوك فيه لمريكان كنتفرج فيه تال تفرجت فكولشي تقريبا
وليت ملهوف على لمريكان و حلفت ما يوصل شهر 10تا ندفع لقرعة و صل وقت تسجل فالقرعة فلول كنت متردد مبغيت ندفع لكين مالين دار قالو ليا دفع اش خاسر مشيت صاوبت لباسبور فدقائق لخرة و تسجلت دار لعام و جات فرصة العمر و كانت فرمضان بالضبط ديال 2021 تخيلو طار مني النعاس بالفرحة لمدة 48 ساعة مجانيش نعاس نهائيا كنحط راسي كتبان ليا لمريكان قدامي تال كطلع شمس ههههه يومايين متتاليين …
فالاخير كنتما الاي واحد كمل قرايتو تال هنا تا هو يعيش هاد الشعور مستقبلا ها انا اليوم كنوقف على ارض امريكية و كنشوف شخصيتي بين الماضي و لحاضر و كنضحك على راسي…كيما قلت سابقا حتى واحد معارف شنو مخبيا ليه الدنيا هاد لجملة للأسف حنا ديما كنشوفو فيها بنظرة سلبية راه ممكن لحياة تخبي ليك شي حاجة زوينة معمرك فكرتي فيها خير مثال هاد العبد لي كيكتب هاد تخربيق هنا من واحد كيجيب الصفر فلونگلي لواحد عايش فالمريكان و كيدوي لونگلي الى كتب ليك الله شي حاجة راه مغاديش تمنعك تا حاجة انك تعيشها و بالتوفيق لأي واحد
إرسال تعليق