أغلبية المهاجرين لا يعلمون بهذه القوانين في أمريكا

فإطار مساعدة المهاجرين الجدد وحتى الناس لي هنا وماعرفينش غالبية القوانين  لي عندو معلومة يحطها نبدا أنا: 

1. عندك الحق تصور البوليس الا وقفوا عليك او كانوا في مهمة هنا وهادشي قانوني . 

2. عندك الحق تبرع باللازما ديال الدم ماشي الدم غا البلازما وتقدر تاخد مبلغ كايوصل تا ل 400دولار '' المعنى الحقيقي ديال دمي نعطيه ليك كاينة غا فامريكا '' 

3. عندك الحق تقرا فابور والدولة تعطيك شي حاجة كاش ملي تكمل عام عن طريق financial aid  وكاين غا 6 اشهر في بعض الولايات.

4. عندك الحق دوز فالضو الاحمر من جهة اليمين. واخا تحرقوا كيتعتابر قانوني فقط جهة اليمين .

5. كاينين شي بوليس هنا ان لم نقل كلهم تبغي تصور معاهم كاتلقى واقف على الصح . وتلقى شي بوليسيه الموريات ديالك يتلفوا  ليك تقوليها غاديني انا باغي نغرق.

6. الطوبيس او الكار ديال الاطفال ممنوع طوبلوا والا ضوبلتيه ناري ضعتي . خاصك ملي نشوفوا تحبس موراه تاينزلوا الاطفال ويزيد .

7. اي مطعم فامريكا فيها ماكينة ديال الموناضا كتاخد كاس ونخلص مرة وحدة وبقا تشرب تابيانو والديك الله يجعلك تبقا تعمر نهار كامل .

8. كاينة شي حاجة هنا هي حياتك هي SOCIAL SECURITY  ماخاص تا واحد يعرف دوك 8 الارقام. 

9. Credit score 

او بشكل مبسط هو حياتك بلا بيه ماتقدر تكري او تشري دار او تشري طوموبيل الا حافظتي عليه ف حياتك كاتكون جد سهلة اي حاجة تشهيتيها يمكن تشريها كاين دفعات او كريدي بدون ربا.

10. محطة الوقود هنا كتعمر راسك ماكاينش ديك اللعبة ديال دير ليا واحد يطرو

11. اغلى تأمين صحي فالعالم هو ديال امريكا . الا مرضتي كنصحك تمشي تموت ولا دخل السبيطار 

12. التامينيال السيارات كايتخاص هنا فامريكا اما للشهر او 6 اشهر او عام .

13.  عمرك تبقا بالجوع فامريكا الخير غا مدفك.

14. شبه مستحيل تبقا حازف او بلا فلوس واخا تخدم غا بيكالة تجيب 400درهم للنهار او اكتر 

15. ماتحلمش تكري هنا بلا مادير اجراءات ويتحققوا من شحال كاتشظ و  اش عندك شي مخالفة من قبل 

يتبع.