واش الدراري واش الدريات هاد البوسط الا ماستفدتيش منو ضيعتي النص فعمرك اليوم جبت ليكم ضيفة ثقيلة غاتعدبكم بزاف ولكن تيقول بيا المعلومات لي هنا خاصك تفكر فيها 1000 مرة قبل ماتجي هنا وحتى الا كنتي باقي فالمغرب هاد الضيفة غاتتفع بزاف . ارا داك الباب اللور أجواد.
انا اللغة الانجليزية هي ضيفتكم اليوم الا عرفتيني غاتدوز ايام زوينة وحياة رائعة هنا فامريكا . غانكون صعيبة عليك ولكن تبقى بيا بيا انا غادي يتفحتوا ليك جميع البيبان المصريين غاكتون عندك قيمة كبيرة فامريكا وكلشي يحترمك خصوصا مع شوية ديال القراية وراك نعام اس للرفاهية و الحياة السعيدة
الدراري من اللخر شنو كادير دابا ؟ واش كاتقرا اللغة ؟ جايب معاك اللغة الانجليزية ؟ الا كنتي كاتقول تانوصل لامريكا وغادي نتعلم فراك غاضيع الاف الفرص عليك بلا لغة غادي تبهدل لابغيتي غاتاكل ولا تطلب شي حاجة غاتبقا تشير غا بصباعك بحال الزيزون. الشريف نسا كولشي وجيب ليا معاك غير اللغة الانجليزية وانا كنضمن ليك حياة كريمة فامريكا غادي تبقا تفصل وتخيط كيف بغيتي . بجوج لغات لي هي اللغة العربية ديالك والانجليزية نتا ملك هنا اي فرصة عمل زوينة ديالك . ماتقتيش ياك سول المغاربة لي هنا 20 عام وباقي مخارين معاها .حيت جاو بقاو عاطينها التفلية وخدام غاةمع العرب داز الوقت مادار والو فحياتو ماكيشيط تا 300دولار للشهر بل ماقادر تايلبي حاجياتوا الخاصة .
" اللغة الانجليزية لغة تكتسب ولا تدرس"
عقل مزيان على هاد العبارة ماكاينش عصا سحرية باش تنعس وتفيق تولي امريكي. وعمرها غاتكون . اللغة الانجليزية ديال المغرب خليها عندك ماغاديش تنفع بوالو هنا . الأمريكيين كايهدروا بسرعة خيالية لغتهم هي " SLANG " لي هي العامية نهار توصل لهنا غاتلقهم تعداو عليك فالمغرب بديك لغة الكاطريام
فامريكا اللغة الانجليزية عندها بزاف د اللكنات . بمعني غادي يهربون ليك كل ولاية تقدر تلقى عندهم "ACCENTS" بل غادي تسكت ملي تلاقا مع اصحاب البشرة السمراء لي مافيه مايهدر ويكمل الكلمة غاتسمع متلا رقم 9 عوض يقول (ناين وان ناين ) غانقوليك (ناواناه) هادو حالة خاصة كايعدبوا اللغة غاتعانيو معاهم بزاف.
صديقي المهاجر بلا لغة عمرك ماغاديش تنسجم مع التقافة الأمريكية غادي يفوتوك فرص وظيفية كبيرة ربما تقول YES لشي حاجة ماعارفهاش تولي طايح فمشكل قد الخلا . حدك تهبط من الطيارة غاتسمع لغة انجليزية اصيلة وصعيبة تخيل كاين امريكيين براسهم ماكيفهموش بعضياتهم .
واش فكرتي كيفاش تلقا خدمة بدون لغة افترض انك لوحدك هنا كيفاش غادوز interview نقولوا دارو معاك مزيان وخدموك ! كيفاش غاتبقا تفاعل مع customer لي هو للزبون تخيل واحد الإحراج قداش كايدوز منو كولشي فهاد المرحلة تاوجهك كايولي زرگ تبقا تقول تفو ضيعتي راسي ملي جيت هنا بلا لغة
واخا هدرت ليك على اللغة ارا دابا الحلول خصوصا الا عرفتي راسك ناجح فراه اول خطوة خاصك دير هي تقلب على استاد اللغة الانجليزية وتبقا تمرن معاك وقوليه خويا علمني كيفاش النطق السليم خصوصا النطق الامريكي.
نتا خاصك تبقا تحفظ كل نهار 10 الكلمات وتبقا تعاودهم نهار كامل حفظا ونطقا استعمل Google translate باش تسمع الكلمة كيفاش كاتنطق وماتنساش تستعمل microphone د اليوتوب باش نشوف راسك واش كاتنطق الكلمة بشكل صحيح .
فراسك سر اللغة الانجليزية هو vocabulary لي قاليك تفرج بالافلام فالاول غايخرج عليك حيت نتا مجلج وغادي تحس بالضغط و الملل تاغاتقول بناقص وهنا هادي تاني سر من اسرار اللغة الانجليزية هو الاستمرار ماتملش حاول كرر دير خطة عام وصبر دير هدف خصوصا الا كنتي جاي قرعة فراه اكيد غادي يكون عندك هدف وتكون محمس .
افضل سيناريو يقدر يوقع ليك هو يكون عندك صاحبك امريكي انا كنضمن ليك هاكا غادي تجي ناضي وتعلم بسرعة وتختصر عليك واحد 3 او 5 سنوات ديال القراية لي غاضيع فيها الوقت. شتي الا جكنتي جاي حاول تقلب على شي حد تكري معاه يكون امريكي او كايتكلم غا لونكلي . ايوا تخيل نتا عايش مع واحد كايهدر غا بيها غادي تكون مضطر تعلم بلهلا يطريه ليك بالنسبه ليا هاد حلم ياريت كون تحقق فالاول انك تعاشر غا مع امريكي
سمع ا مسيكة عنداك تجي لامريكا وتبقا خدام مع شي عربي اصلا لي خدم مع عربي بحالا عصا ربي ماغادي تستافد تا لعبة . انا غانعيك التجارب ديالي فاللغة . كلي تيك لهنا بقا ديما تعيط ل customer service لي هي مصلحة الزبناء ديال اي بلاصة بقا ت practici معاهم تيق بيا انا تعلمت بزاف د الحوايج بهاد الطريقة حيت غادي تبقا تسمع كلمات وجمل هنا فامريكا منهم غادي ينفعوك فالهدرا مع الناس هادي طريقة فعالة حربها وماتحشمش الا مافهمتيش قول مافهمتش
COULD YOU SPEAK SLOW DOWN PLEASE
هاد الجملة بقا ديما تقولها للناس الا مافهمتيش غادي تخلي الطرف الآخر يعرف انك مازال كاتعلم
ملي توصل لهنا اول حاجة دير هي دخل ل STORE'S وبقا تشوف الناس كيفاش كاتعدر طلق ودنيك وديما GOOGLE TRANSLATE عندك فالتيلي .غادي ينفعك بشكل مهول ديما دير فبالك انك فواحد المعركة حيت " اكون او لا اكون "
كاين لي غادي يقوليك حي وسير للمدرسة تعلم انا غادي نقوليك هكا سلاح دو حدين ماكافيش بغيتي الصراحة دير هادشي وطي رد علي فهاد البوسط
حفظ 10 كلمات كل نهار/ نطقهم مزيان / سير ل شي store طبقهم/ عيط ل شي customer service حاول تلصقهم معاك فالحديث/ لغد ليه عاود راجعهم ونتا كتحفظ ف 10 اخرين وجي رد عليا المستوى ديالك احسن كاتمشي لشي مدرسة
المدرسة داروها لشي غا لدوك المكسيكيين كاكبوما مشلليين
لكنني بغيتي تكون تانتا مشلل سير
الا ماتمشي ضيع الوقت عارفةبيغتدي كيوم عندو وجهة نظر مختلفة حول المدرسة.ولكن فامريكا خاصك لغة الشارع باش تهدر ماشي تبقا تفلسف عليهم
ملي تكون قادر طبق هادشي لي قلت غاتولي دوز القواعد وتبقا عاطل وتهرب ماشي تغطس باش ماتملش انا عارفك غادي تمل وماغاديش يكون عندك الوقت باش تمشي تقرا لانك غاتبقا مخاري غا مع الكرا و البيلات لان هاد الدولة غادي دݣ فيك واحد الإبرة خايبة وهي الجري وراء " الدولار"
هادشي علاش صبر وقرا اللغة وخلي المادة تجي راسها اللغة غاتجيب بيك العالم بين يديك غاتولي كاتسافر بسلاسة.
طيارة اوطيل مطار مطعم قراية هادشي غادي يولي عندك بحال السلام عليكم وتيق بيا اللغة الانجليزية غاتعطيك الهيبة تقدر تخدم كل شهر فخدمة الا بغيتي تاوكان تلقا خدمة نقية مع انجليزية نقية
هاد البوسط ماكرهتوش يبقا مطول حيت كاين بزاف مايتقال وسول غا واحد هما بلا لغة ونشوف شنو غاتسمع منو اكتر من هادشي لي كتبت .
خويا ولا ختي انا بالنسبة لي بلا لغة راك باغي عايش فالمغرب واخا تكون عندك الجنسية الأمريكية وتكون كاع 20 عام هنا مادام ماعندك تواصل ولغة باش تعبر.
و اخرا وليس اخيرا .
عقل مزيان اللغة الانجليزية هي اللغة الرسمية بي كايفهمها العالم كامل و بالدات فامريكا لغة قاصحة تا على اساتدة جاو من المغرب هادشي علاش ملي تكون جاي فكر 10000 مرة ماتقولش خليني غاتانوصل ونقراها. لا هدا خطا هنا خاصك تكون وصلتي باش طبقها ماشي عاد غاتقراها ضيرعلى شي صديق امريكي وخلصوا كاع يبقا غير يهدر ونتا سمع راه واحد الاحساس رهيب بلا لغة هنا وجهك كايولي احمر وقلبك كايبقا يضرب ملي يهدر معاك بنادم وكاتفهموش
الدراري انا نصحتكم من قلبي كاع البوسطات ديالي من هنا بغيتي دير ليهم غادي تربح وتختصر الوقت اقل حاجة هاد د الوقت مابغيتش نتا حر غاخوا نهار تندم جي كتبىليا هنا
إرسال تعليق